Autori Tema: MORA VËLLAIN MORA DJALIN  (Lexuar 1198 herë)

0 Anëtare dhe 1 Vizitor po shikojne kete teme.

Jashtë Linjë shaban cakolli

  • V.I.P ne Nastradini.com
  • *****
  • Postime: 2549
  • Popullariteti: 4
MORA VËLLAIN MORA DJALIN
« Me: Shtator 03, 2009, 03:45:20 MD »
                    MORA VËLLAIN MORA DJALIN

                  Mora vëllain, mora djalin ,

                  Dolëm  për vizitë ,

                  Me i pa trojet , me pa malin ,

                  Vendin ku jem rritë  .

                  Me i pa fier edhe zabele

                  Atje në Podinë  ,

                  Kah kem ecë  zbathur me dele ,

                  Kah kem ruajt bagëtinë  .

                  N’ qosh t’ livadhit krye Zhari –

                  Nuk dilej prej fieri ,

                  Aty nisi këngën s’ pari

                  Vëllai im , Haziri !

                  N’ hije t’ dardhës , afër përroit –

                  Te bahçja e nënës sime ,

                  Rrinim ulur afër kroit ,

                  Shpalosnim kujtime .

                  Dardha e molla ishin tha ,

                  Ku kem ngrënë  përherë ...

                  Edhe furra s’ ishte ma –

                  Oshaf ku kem terë .

                  Dolëm s’ bashku n’ stom te lama

                  Për t’ a përkujtua

                  Vendin ku na përcillte nëna

                  Në shkollë  kur kem shkua ...

                  N’ gurë - themelet e shtëpisë

                  Dhe ku ish qileri –

                  Kaça e thera ishin dalldisë ,

                  Ishin rritë për seri !

                  Ku gatuante nëna Hysë –

                  Almiset ishin përmbysë  ...

                  Ku ia piqte rendet flisë –

                  Kurpna e mana ishin vargisë . 

                  Ku pushonte babë  Shefkiu –

                  Nën hije t’ qershisë ,

                  S’ ndihej  fyelli , as bariu ,

                  As kënga e çiftelisë !

                  S’ kishte ma dardha, as molla ,

                  Arat tona ishin bërë  pyll .

                  Rrugët kah kem shkua te shkolla –

                  Për gjithmonë  na  ishin mbyllë !

                  E kërkuam mëhallën krejt

                  Për të shuar mall ,

                  Trojet  kishin mbetur shkretë ,

                  S’ pamë njeri të gjallë !

                  Mana e thera mbulua trojet,

                  S’ kishte ma arë, as livadh ,

                  Shterur puset , shterur krojet ,

                  Vaj, sa mall i madh !

                  Trupi flakë  m’ digjej nga malli ,

                  Vatrat shkret pa tym, pa zjarr ,

                  Shtëpia  ku binte kavalli –

                  Kishte mbet tamam si varr !

                  U ula te Dardha Dërrnoce ,

                  Afër lamës n’ skaj livadhit –

                  Kujtova mekame t’ moçme ,

                  Baci Nel ku i binte kavallit !

                  Ku e pat shpinë  xhaxha Halimi –

                  Evokoj me përmallime ,

                  Me kamerë  xhiron Shkëlqimi ,

                  Që t’i kenë n’ kurbet kujtime !

                  Dolëm  n’ kodër n’ krye are -

                  Ku janë plakë  dardhat me myshqe ,

                  Që t’ i shohim ato varre ,

                  Ku pushojnë  gjysh edhe gjyshe !

                  Tugjec – Gjilan, e Premte, më 28 Gusht 2009. Demir KRASNIQI

Jashtë Linjë shaban cakolli

  • V.I.P ne Nastradini.com
  • *****
  • Postime: 2549
  • Popullariteti: 4
MORA VËLLAIN MORA DJALIN
« Pergjigju #1 Me: Shtator 04, 2009, 04:09:09 MD »
                  Parodi rapsodike:

                        KËNGA E SHQIPTARIT TË MADH

                  Jam shqiptar – SHQIPTAR I MADH ,

                  Kryet fushë  , mendjen livadh ...

                  Jam bë i mjeri kurbetçi –

                  Shita tokë  , shita shtëpi ,

                  Rashë n’ kontakt me një Agjenci ,

                  Me m’ kalua nëpër kufi ...

                  Shita delet me gjithë lopë –

                  Mora rrugën me dalë n’ Evropë !

                  Rrugë e gjatë  me shumë havale –

                  Nëpër përrenj  e  nëpër male , 

                  Nëpër lum e nëpër det ,

                  Mezi dola në  kurbet !

                  Për pa ikë  nuk pata çare –

                  Thash – Serbia do t’ na qet fare !

                  Po sa e preku shkau Drenicën –

                  Unë ua ktheva prapanicën !

                  Iu thashë  shokëve :”Lamtumirë !

                  Mirë u pafshim n’ Kosovën e lirë !”

                  Larg n’ Evropë , ku jetoj sot –

                  Për Kosovë , po qajë me lot !

                  Shkruaj , flas e nuk rri kot –

                  Jam ma i madhi patriot !

                  Ditë e natë  jam duke ëndërrua –

                  Një ushtri me e formua ,

                  Me e nisë  luftën me luftua ,

                  Krejt armiqtë  rend me i farua !

                  Do t’ mbledh armët dhe fuqinë –

                  Do ta qes fare Turqinë ,

                  T’ gjallë e t’ vdekur do t’ i  qes n’ det ,

                  Pse na mbajti gjashtëqind vjet ?!

                  Kur ta qes fare Turqinë –

                  Do t’ luftoj me Arabinë

                  Dhe gjithë shtetet muhamedane  ,

                  Pse na e dhanë  fenë myslimane ?!

                  Si t’ kryej luftën me Arabinë –

                  Do t’ sulmoj me ‘i  herë Greqinë ,

                  Pse na e mori Çamërinë  ,

                  Artë , Prevezë  edhe Janinë?!...

                  Kur t’ ia thyej qafën Greqisë –

                  Do t’ i  turrëm me ‘i  herë Serbisë ,

                  T’ ia sulmoi Nishin , Kralevën ,

                  T’ ia bashkoi Kosovës – Preshevën !...

                  Me Serbi do ta bëj fet –

                  Pse na mbajti njëqind vjet ?!

                  Si t’ ia heq flamën Serbisë –

                  Do t’i mëshoj Maqedonisë ,

                  T’ ia marr Shkupin , Iliridën,

                  Kumanovën edhe Dibrën ,

                  Ia qes flakën , ia la hirin ,

                  Ia marr Prespën, Manastirin !...

                  Si ta kryej n’ Maqedoni –

                  Do t’ i  turrëm Malit t’ Zi ,

                  T’ ia marr Plavën me Gucinë ,

                  Podgoricën me Cetinë ,

                  T’ ia marr Tuzin dhe Malësinë,

                  Vlladimir, Ulqin, Vraninë,

                  T’ ia marr detin me Tivar –

                  Kështu luftojnë trimat shqiptarë !

                  Pas kësaj lufte ballkanike –

                  Do ta bëj Shqipëri Etnike !

                  Do ta formoj Qeverinë –

                  Do ta ndryshoj historinë !

                  T’ gjithë figurat kombëtare –

                  Do t’ shikoj a kenë shqiptare ?!

                  Do t’ filloi prej Skënderbeut –

                  A ishte birë i këtij  dheut?

                  A ishte trim legjendar ,

                  Malazezë, apo shqiptar ?!

                  Nënë Tereza, ajo zulmëmadhe –

                  Maqedone , apo shqiptare ?!

                  Për këtë  bijë t’ lindur nga Shkupi –

                  Disa  thanë  :”Është bijë magjupi?!”

                  Për gjykatë  do ta bëjë një listë –

                  Për ata që  kenë zogistë ,

                  Asht e rrashtë do t’ ua qes fare ,

                  S’ do t’ kenë vend n’ tokat shqiptare !

                  Prapë vazhdoj ta bëjë një listë –

                  Për shqiptarët enveristë ,

                  Leninistë  e stalinistë ,

                  Hrushqovjanë  e komunistë ,

                  Mao Ce Tung e ateistë  ,

                  T’ gjithë çka janë n’ qytet , n’ katund ,

                  Do t’ i grijë , t’i bëjë sapun !

                  Prijatarët e demokracisë  ,

                  Që ia hapën kufijtë Shqipërisë ,

                  Do t’ i  shti t’ gjithë në një listë –

                  Berishistë  e nanoistë,

                  Majkoistë e milloistë,

                  Ramoistë edhe metistë ,

                  Do t’ i qoj krejt te kasapët ,

                  Do t’ qëroj me ta hesapet !

                  Kur me ta, ta kryej këtë sprovë –

                  Do t’ vazhdoj rrugën n’ Kosovë ,

                  Do t’ shikoj nëpër shumë breza ,

                  Kush do t’ hyjë në lista t’ zeza ?!

                  Kush ishin ata dai ,

                  Që e lanë  Kosovën nën Serbi?

                  Kush  kenë  ata  komunistë –

                  Që u rreshtuan si titistë,

                  Me drazhistë, rankoviqistë ,

                  Me kasapë  millosheviqistë ,

                  Fadilistë  e mahmutistë,

                  Sinanistë  e alishukristë ?!...

                  Kush iu priu studentëve shqiptarë –

                  N’ demonstrata kundër- revolucionare?

                  Kush na e prishi vëllazërim – bashkimin ,

                  Kumbarinë  e pobratimin ?!...

                  Kush ia rrëzoi themelet vendit –

                  Do t’ i djeg në zjarr t’ xhehenemit !

                  Kush kenë  ata nismëtare ,

                  Që formuan Ushtrinë Çlirimtare ,

                  E na qitën nëpër male ,

                  E na i kallën shtëpitë me zjarre ?!

                  Do t’ i  çoj n’ Gjykatë Ndërkombëtare ,

                  S’ do t’ iu la vend as për varre !

                  Do t’ vazhdoj prapë të bëjë lista –

                  Për marksista e  leninista,

                  Stalinista e enverista ,

                  Demaçista e lajçista ,

                  Osmanista e hysenista ,

                  Për qosista e rugovista ,

                  Për thaqista e ramushista ,

                  Për dacista e pacollista...

                  Do t’ i  qes t’ gjithë në gjykata ,

                  Do t’ iu japë dënime t’ gjata !

                  Po sa punën këtu ta ujdisë –

                  Do t’ ia mësyjë Maqedonisë ,

                  Për tradhti do t’ përpiloj lista ,

                  Për rufista e xhaferista,

                  Menduhista e ahmetista ...

                  Kam  Preshevën , Bujanocin ,

                  Me  do djem që m’ tharbin kosin ,

                  Unë , atje do ta luaj llosin ,

                  T’ i shti n’ burg , t’ ua thyej kocin !

                  Dhe n’ Mal t’ Zi , janë do lider –

                  Nuk i lëshoj pa ua bë ndo ‘i  sherr !

                  S’ do t’i  la n’ skenë politike ,

                  Se do t’ bëjë Shqipëri etnike !

                  Kur ta bëjë  këtë Shqipëri t’ mbarë –

                  Vet do t’ zgjidhem Kryetar ,

                  Vet kudo do t’ jem i parë ,

                  Se unë jam ma i miri shqiptar !

                  Do t’ vë ligj e do t’ vë rend –

                  Do ta zhduki kudo fenë ,

                  Do t’ rrëzoj kisha e xhamia ,

                  Se këto fe s’ i do Shqipëria !

                  Kush do t’ shkruhet ortodoks –

                  Do t’ i qes fare me boks !

                  Kush do t’ shkruhet myslimanë –

                  Ua shti zjarret n’ katër anë !

                  Kush do t’ shkruhet katolik –

                  Do t’ i mbys krejt me kamxhik !

                  Do t’ bëj shtet, do t’ bëjë atdhe –

                  Ku s’ do t’ ketë ma asnjë fe !

                  Kur ta bëjë  kështu shtet Shqipërinë –

                  Do t’ ia ndërroj dhe gjeografinë !

                  Do t’ ia  ndërroj  këto toponime –

                  Si ma thotë  kjo mendja ime !

                  Male, fusha, fshat , qytet –

                  Ua  vë emrat qysh dua vet !

                  Emrat e njerëzve që janë pa krip –

                  Do t’ ua ndërroj e t’ua vë shqip !

                  Krejt Shqipërinë  e bëjë livadh ,

                  Se unë jam Shqiptar i Madh !

                  Gjilan, më  04. 09.2009. Demir KRASNIQI